苟芸慧未婚夫遺產被泄 梁家輝好快做外父？雷庄兒卸任港姐

苟芸慧未婚夫遺產被泄 梁家輝好快做外父？雷庄兒卸任港姐

 

　　今日快報

　　遺產被泄 陸漢洋：保留法律行動

　　將於年底迎娶藝人苟芸慧的富商賽車手陸漢洋（William）最近被大起底，之前都講過William爸爸系建築界著名人士陸孝佩，而媽媽Catherine就系聖安娜餅店創辦人。雖然William甚少講起家庭，但原來佢系陸孝佩嘅私生子，一直與媽媽生活，之後移民去加拿大，與爸爸甚少聯絡。

　　雖然父子關係疏離，但陸孝佩對William好照顧，近日陸孝佩生前訂立遺囑被披露，陸孝佩估計留下二億元遺產，據知William分到逾二千萬，而早年陸孝佩又用咗逾千萬買入會景閣單位送贈William。

　　問William爹哋遺囑被披露一事，他回覆媒體：「我不清楚為何會有家事泄露出來，因為長輩交待過家事家裡說，所以一直以來我對家事都不會對外作任何回應或評論。但由於今次事件涉及到父親的私人文件，律師建議暫時不作任何回應。等待法律顧問的意見后，我不排除在適當的時候在適當的平台作出回應或採取應有的法律行動。」

　　水中激戰！楊秀惠著泳衣咀爆吳偉豪

　　最新一集無線處境劇《愛．回家之開心速遞》講到由吳偉豪飾演的朱凌凌參加聯校攝影比賽，但其照片作品「夢想」卻被黃長興畫成油畫，更搶閘在網上發表。吳偉豪找黃長興理論，但被黃長興反指他搶走楊秀惠，同樣是愛情小偷。

　　「金城安」周嘉洛及「傻強」馮子森為吳偉豪寫了一個劇本，更邀請楊秀惠擔任女主角。片中楊秀惠鼓勵吳偉豪輸掉游泳不要放棄，吳偉豪其後一手將楊秀惠拉落水池中，二人更疑似在水中濕吻。當黃長興看片時一眼便識穿，一眼看出濕吻鏡頭中的楊秀惠背部，原來是由馮子森做愛的替身。

　　成個人被拋起！梁芷珮玩新興鬥牛遇險

　　藝人梁芷珮（Christy）近日喺西班牙為無線拍攝旅遊節目，期間佢仲欣賞西班牙鬥牛比賽，令佢大開眼界：「西班牙傳統鬥牛比賽，其實我覺得都幾殘忍，因為個鬥牛勇士都會拎住把劍殺死只牛，所以近呢十幾廿年，有班保護牛嘅人搞咗個會，改變鬥牛呢個表演或者賽事，新興就唔會殺死啲牛，系會同佢哋跑。」

　　今次Christy能夠除咗睇新興嘅鬥牛比賽，仲可以落到現場，感受當中嘅感覺，點知竟然發生意外：「咁啱畀我訪問到佢哋，兼且仲可以即場表演畀我哋睇，我見到佢哋閃避得好快，之後佢哋邀請我去玩，我開頭都覺得好簡單。但唔知系咪我反應慢，只牛向住我嚟沖，跟住我就畀只牛拋起咗，我有五至十秒系冇咗意識，唔知發生咩事，后尾返酒店睇片先知。（有冇受傷？）只手同腳擦損咗，后尾枕起咗個瘤，當時其實好暈，好感恩都系暈一暈，冇咩事。如果呢只牛系大隻牛，我諗我嚴重十萬倍，不過其實系好好玩。」

　　孖女Chloe曬咀嘴相 慶祝拍拖四周年

　　梁家輝同老婆江嘉年生咗一對孖女梁穎晨(Chloe)同梁靜禧(Nikkie)，大孖Nikkie大學嗰陣開始同外籍男同學拍拖，而細孖Chloe就同男友Matthew感情穩定，二人同樣系ABC，Matthew外形高大，絕對系陽光男孩。

　　Chloe喺IG貼出同Matthew之前喺沖繩影嘅咀嘴相，原來系佢哋拍拖4周年，Chloe指同Matthew喺grade 5開始識，以前覺得Matthew好奇怪，直至依家都系，但系除咗Matthew，冇人可以令自己開心笑、冇人可以俾到自己安全感，Chloe感謝Matthew用特別嘅方式去愛，感謝Matthew系一個真誠嘅人，最重要系感謝男友都愛自己嘅家人。

　　現年26歲嘅Chloe同男友愛得高調，未知梁家輝會唔會好快做外父呢!?

　　終於上車！王浩信擲3千萬買清水灣豪宅

　　無線藝人王浩信剛剛以3,300多萬元購入清水灣傲瀧11座一個高層單位，中原地產李子明表示，該單位實用面積為1,837呎。王浩信接受東網訪問時坦言今次買樓是為了「上車」，都儲了很耐錢，更笑言全部都是血汗錢，問他何時看中單位時，他謂:「上星期睇嘅！（同埋媽咪、老婆去？）老婆去咗杜拜拍嘢，只系我同媽咪去睇，不過媽咪好鍾意，所以決定撲錘買。」再問他之前說要買獨立屋，浩信即謂：「嘩！嗰啲遲兩步先，仲要努力搵錢。」

　　浩信坦言今次是自己第一次正式做業主，謙稱謂：「好彩有屋企人幫手。」此外，亦有傳周柏豪都有意購入此樓盤。為了達成心愿，購買獨立屋給老婆，浩信要繼續拚搏搵銀，他透露之後會開拍監製劉家豪一套新劇，更要動作連場，打到飛起，就算有多年拍動作戲經驗，浩信現時都要接受公司安排的 一連串動作訓練，他笑謂：「所以啲錢搵嚟全部都有血汗 ！要買豪華獨立屋，真系命都攞埋出嚟！」

THE END